Les nouvelles françaises où se trouvent divers effets de l'amour et de la fortune

à cinq ou six lieuës de la ville de Thoulouse, il y a une belle maison ou demeuroit un gentilhomme nommé le Sieur De Sainct Amour, qui depuis la mort de son pere et de sa mere avoit tousjours retiré avec luy une sienne soeur qui s'apelloit Elidore. Il ne demandoit pas mieux que de la marier vistement, pour se delivrer de la grande charge qu'il pensoit avoir : mais de tous les partis qu'il luy presentoit, il n'y en avoit pas un qu'il luy peust rendre agreable